Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 33-1} vīṟu cāl ñālattu viyal aṇi kāṇiya
• {KALI 33-2} yāṟu kaṇ viḻitta pōl kayam nanti kaviṉ peṟa
• {KALI 33-3} maṇi purai vayaṅkal uḷ tuppu eṟintavai pōla
• {KALI 33-4} piṇi viṭu murukku itaḻ aṇi kayattu utirntu uka
• {KALI 33-5} tuṇi kaya niḻal nōkki tutaipu uṭaṉ vaṇṭu ārppa
• {KALI 33-6} maṇi pōla arumpu ūḻttu maram ellām malar vēya
• {KALI 33-7} kātalar puṇarntavar kavavu kai nekiḻātu
• {KALI 33-8} tātu aviḻ vēṉil ō vantaṉṟu vārār nam
• {KALI 33-9} pōtu eḻil uṇ kaṇ pulampa nīttavar
• {KALI 33-10} eri uru uṟaḻa ilavam malara
• {KALI 33-11} pori uru uṟaḻa puṉku pū utira
• {KALI 33-12} putu malar kōṅkam poṉ eṉa tātu ūḻppa
• {KALI 33-13} tamiyār puṟattu eṟintu eḷḷi muṉiya vantu
• {KALI 33-14} ārppatu pōlum poḻutu eṉ aṇi nalam
• {KALI 33-15} pōrppatu pōlum pacappu
• {KALI 33-16} nontu nakuvaṉa pōl nantiṉa kompu naintu uḷḷi
• {KALI 33-17} ukuvatu pōlum eṉ neñcu eḷḷi
• {KALI 33-18} tokupu uṭaṉ āṭuva pōlum mayil kaiyil
• {KALI 33-19} ukuvaṉa pōlum vaḷai eṉ kaṇ pōl
• {KALI 33-20} ikupu aṟal vārum paruvattu um vārār
• {KALI 33-21} mikuvatu pōlum i nōy
• {KALI 33-22} narampiṉ tīm kural niṟukkum kuḻal pōl
• {KALI 33-23} iraṅku icai miñiṟṟu tumpi tātu ūta
• {KALI 33-24} tūtu avar viṭutarār tuṟappār kol nōtaka
• {KALI 33-25} irum kuyil ālum arō
• {KALI 33-26} eṉa āṅku
• {KALI 33-27} purintu nī eḷḷum kuyilai um avarai um pulavāti
• {KALI 33-28} nīl itaḻ uṇ kaṇāy neṟi kūntal piṇi viṭa
• {KALI 33-29} nāḷ varai niṟuttu tām colliya poy aṉṟi
• {KALI 33-30} mālai tāḻ viyaṉ mārpar tuṉaitantār
• {KALI 33-31} kāl uṟaḻ kaṭum tiṇ tēr kaṭaviṉar viraintu ē